Equipo

A presente tese doctoral pretende realizar un estudo da patoloxía oral e unha análise do cálculo dental (isótopos estables e microrestos) en individuos de varias necrópoles medievais e modernas, co fin de detectar patróns dietéticos. As pezas dentais son os únicos elementos esqueléticos do corpo humano expostos externamente e, polo tanto, acumulan unha gran cantidade de información, en forma de lesións e elementos depositados na súa superficie. As necrópoles seleccionadas atópanse ubicadas no NO da Península Ibérica – siglos IV-XVII d.C. – e son consideradas un referente pola gran cantidade de informaicón dispoñible sobre o estado de saúde (estudos paleopatolóxicos xerais) e a dieta (análises de isótopos estables en coláxeno). Emperes, o estudo da paleopatoloxía oral destas coleccións inda non se abordou en detalle, e as análises xeoquímicas e de microrestos en cálculos dentais son completamente novas. A novidosa información que se obterá nesta tese doutoral permitiranos aproximarnos ós patróns de alimentaicón, saúde e modificacións nas estratéxias de subsistencia das poboacións estudadas a nivel intra e intergrupal, así como abordar a posible relación cos cambios medioambientais.