Equipo

Identidade infantil: alimentación, saúde e crecemento postnatal a través de esqueletos medievais da Península Ibérica A tese dedicarase ao estudo das condicións de vida e identidade dos individuos infantís e xuvenís da Península Ibérica na Idade Media a través dos restos óseos. Para iso, realizaremos unha serie de exames e análises (paleopatolóxico, de isótopos estables para aproximarnos á alimentación e de crecemento) en restos conservados de subadultos e adultos. Estes últimos conservan marcas patolóxicas, secuelas e tecidos formados durante o crecemento e deben ser considerados como “os nenos que sobreviviron ata a madurez”. A poboación que centrará o estudo será a galega, debido á existencia de coleccións ben caracterizadas, con abundante información documental e de fácil acceso no nóso laboratorio, pero contaremos cos individuos de necrópoles doutras zonas da Península Ibérica, como Madrid e Andalucía, en aras dunha comparación o máis rigorosa posible. Con esta mostra desenvolveranse tres fases que nos permitirán ir ampliando o noso coñecemento sobre os individuos subadultos e as condicións de vida que lles rodeaban e que condicionaron/ contextualizaron a súa existencia. Utilizando os datos obtidos aproximarémonos á identidade destes individuos como grupos social, como grupo dentro da comunidade.