Equipo

Graduada en Bioloxía pola Universidade de Santiago de Compostela (USC). Durante o grao fixen prácticas en Antropoloxía Física na Universitat Autònoma de Barcelona e en Edafoloxía na USC. Como traballo de fin de grao levei a cabo un estudo espectrocópico con FTIR-ATR de sedimentos de matas de Posidonia sp. de Garden Island (Australia). Posteriormente, realicei un Mestrado en Bioinformática e Bioestatística na Universitat Oberta de Catalunya (UOC). Onde fixen as miñas prácticas na USC desenvolvendo un programa para o procesado de datos de espectroscopía e un prototipo web. Como traballo de fin de mestrado estudei a aplicación de algoritmos de Machine Learning para a predicción do sexo a partir de restos esqueléticos para a súa aplicación nas ciencias forenses (link), en colaboración entre a Universitat de Barcelona e a UOC. Actualmente, estou levando a cabo a miña investigación predoutoral na USC (CRETUS – EcoPast) onde estudo a realción entre actividade humana, ciclo do mercurio e saúde pública. Ademáis, tamén dedico parte do meu tempo á programación e de forma paralela a miña tese desenvolvín un paquete para o procesado de datos espectroscópicos {andurinha} dispoñible no repositorio oficial de R (CRAN).