A innovación que propoñemos consiste en:

• Integrar a investigación no proceso de ensino-aprendizaxe, promovendo un ensino baseado no desenvolvemento por parte do alumnado de proxectos de investigación de carácter colaborativo e interdisciplinar, e abordar a avaliación das metodoloxías docentes empregadas.
• Desenvolver actividades de transferencia do coñecemento á sociedade e de divulgación da investigación de carácter especializado e formativo, seguindo as actuais tendencias acerca da sociedade do coñecemento, no que participen docentes de áreas diversas (Arqueoloxía, Ecoloxía, Edafoloxía, Fisioloxía Animal, Fisioloxía Vexetal).
• Impulsar iniciativas de divulgación e ensino que promovan a visibilización e valorización do papel da muller na ciencia e o respecto á diversidade, así como a educación nos valores de igualdade, inclusión, solidariedade e tolerancia.
• Promover a integración das ciencias humanas e biolóxicas no ámbito académico, achegando á comunidade universitaria os logros e resultados obtidos nese campo de estudo.
• Empregar recursos tecnolóxicos para a divulgación da ciencia, fomentando a participación en redes sociais.
• Fomentar a interacción co ensino secundario participando en programas como “A Ponte entre o Ensino Medio e a USC”, “STEMbach” e “Erasmus+ de movilidade para a aprendizaxe” promovendo a vocación do alumnado cara á investigación científica e tecnolóxica e favorecendo o desenvolvemento de competencias transversais, como a creatividade, a resolución de problemas, o pensamento crítico, a cooperación, a inclusión, a equidade, a tolerancia e a cidadanía activa, ademais da mellora das competencias dixitais e as destrezas comunicativas e expresivas.